Sacramentarium Gregorianum

_________________________________________________________

56.

Feria v ad sanctos Cosmam et Damianum

Magnificet te domine sanctorum tuorum Cosmae et Damiani beata sollemnitas, quia et illis gloriam sempiternam et opem nobis ineffabili prouidentia contulisti: per.

Super oblata. In tuorum domine pretiosa morte iustorum sacrificium illud offerimus, de quo martyrium sumpsit omne principium: per.

Ad completa. Sit nobis domine sacramenti tui certa saluatio, quae cum beatorum tuorum Cosmae et Damiani meritis imploratur: per.

Super populum. Subiectum tibi populum quaesumus domine propitiatio caelestis amplificet et tuis semper faciat seruire mandatis: per.