|
Rhythmus Herradis Abatissae per quem Hohenburgenses virgunculas
amabiliter salutat et ad veri sponsi fidem dilectionemque salubriter invitat.
Salve cohors virginum
Hohenburgiensium,
Albens quasi lilium
Amans dei filium.
Herrat devotissima,
Tua fidelissima,
Mater et ancillula,
Cantat tibi cantica.
Te salutat millies
Et exoptat indies,
Ut laeta victoria
Vincas transitoria.
O multorum speculum
Spcrne, spernec seculum,
Virtutes accumula,
Veri sponsi turmula.
Insistas luctamine,
Diros hostes sternere,
Te rex rcgum adjuvat
Quia te desiderat.
Ipsc tuum animum
Firmat contra Zabulum,
Ipse post victoriam
Dabit regni gloriam.
Te decent delicie
Debentur divicie
Tibi celi curia,
Servat bona plurima.
Christus parat nupcias
Miras per delicias,
Hunc expectes principem
Te servando virginem.
Interim monilia
Circum des nobiiia,
Et exornes faciem
Mentis purgans aciem.
Christus odit maculas,
Rugas spernit vetulas,
Pulchras vult virgunculas
Turpes pellit feminas.
Fide cum turturea
Sponsum istum reclama,
Ut tua formositas
Fiat perpes claritas.
Vivens sine fraudibus
Es monenda laudibus,
Ut consummes optima
Tua gradus opera.
|
Ne vacilles dubia
Inter mundi flumina
Verax deus praemia
Spondet post pericula.
Patere nunc aspera
Mundi spernens prospera.
Nunc sis crucis socia,
Regni consors postea.
Per hoc mare naviga,
Sanctitate gravida,
Dum de navi exeas
Sion sanctam teneas.
Sion turris coelica
Bella tenens atria,
Tibi fiat statio,
Acto vitae spatio.
Ibi rex virgineus
Et Mariae filius
Amplectens te reclamet
A moerore relevet.
Parvi pendens omnia
Tentatoris jocula,
Tunc gaudebis pleniter
Jubilando suaviter.
Stella maris fulgida,
Virgo mater unica.
Te conjungat filio
Foedere perpetuo.
Et me tecum trahere
Non cesses praecamine.
Ad sponsum dulcissimum
Virginalem filium.
Ut tuae victoriae,
Tuae magnae gloriae,
Particeps inveniat
De terrenis eruat.
Vale casta concio,
Mea jubilatio,
Vivas sine crimine,
Christum semper dilige.
Sit hic liber utilis,
Tibi delectabilis
Et non cesses volvere
Hunc in tuo pectore.
Ne more Struthineo
Surrepat oblivio
Et ne viam deseras
Antequam provenias.
|
Amen Amen Amen
Amen Amen Amen
Amen Amen Amen
Amen Amen Amen.
―――――
Item prosa per Herradem abatissam predictis virgunculis causa exhortationis composita.
Herrat gratia Dei Hohenburgensis ecclesie abatissa licet indigna dulcissimis Christi virginibus in eadem ecclesia quasi in Christi vinea Domini fideliter laborantibus, gratiam et gloriam, quam dabit Dominus. Sanctitati vestre insinuo, quod hunc librum qui intitulatur Hortus deliciarum ex diversis sacre et philosophice scripture floribus quasi apicula Deo inspirante comportavi et ad laudem et honorem Christi et Ecclesie, causaque dilectionis vestre quasi in unum mellifluum favum compaginavi. Quapropter in ipso libro oportet vos sedulo gratum querere partum et mellitis stillicidiis animum reficere lassum, ut sponsi blandiciis semper occupate et spiritalibus deliciis saginate transitoria secure percurratis et externa felici jucunditate possideatis, meque per varias maris semitas periculose gradientem fructuosis orationibus vestris a terrenis affectibus mitigatam una vobiscum in amorem dilecti vestri sursum trahatis. Amen.
|