De diversis artibus libri III

Liber tertius

____________________________________________________________

Caput LXXXVI.

De cymbalis musicis.

FACTURUS cymbala, primum aquire tibi lectionem et secundum quod docuerit formam facito, atque ceram diligenter pondera. Quas cum fuderis, sicut supra dictum est, si quid per negligentiam vel incuriam de equitate tonorum demerit, corriges. Si volueris cymbalum altius habere, in ora inferius limabis, si vero humilius, circa oram in circuitu.