De diversis artibus libri III

Liber tertius

____________________________________________________________

[Caput CXII.]

De temperamento vesica escini.

VESICAM husonis mollifica in aqua donec eam inter manus pinsando, ex ea facias quasi cerotum, et tunc mitte eam in ollam in limpidissimam aquam, et pone ad focum ut non bulliat; sed tantum calorem habeat ut liquefactam, in aquam convertatur. Dein cola eam per mundum pannum in pelvim, et sine quod in frigido loco ad ventum accedat ut quasi coagulet. Cum digitum super ponens inpresseris, si viscus resistit et ab illa impressione non frangitur, liquefac ad ignem, et funde super aurum et operare in stupa nimis calida. Si autem viscus nimis crassescat admitte parum aquae et operare. Si autem tam mollis sit quod non possit impressionem digiti sustentare, coque melius ad ignem facile poteris et hunc viscum mollire firmum facere. Nunquam gummi addas auro vel aliis metallis: Nam cito cadet quidquid, id gravis, ex eo glutinatum erit, exceptis coloribus, qui etiam non perstabunt, nisi optime conterantur et tenuissime libris illiniantur.