Buch der Natur

V. VON DEN KRÄUTERN

IN AINER GEMAIN.

___________________________________________________

15.

Von dem piezenkraut.

Beta oder blitus haizt piezenkraut oder mangolt und ist zwairlai. ainz hât grüen stengel und daz ander hât rôt stengel und daz ist grœzer und pezzer. ietwederz hât praiteu pleter sam der wegreich, ân daz diu piezenpleter lenger sint. daz kraut ist kalt und fäuht in mittelmâz und dar umb, wenn man petersil dar zuo mischt, sô ist ez gesunt ze ezzen und ist waich und lât sich sanft kochen in dem magen, wenn man ez sauber beraitt und kocht pei dem feur.