Buch der Natur

V. VON DEN KRÄUTERN

IN AINER GEMAIN.

___________________________________________________

23.

Von dem sweinkraut.

Cyclamen haizt sweinkraut und haizt auch panis porcinus, daz spricht sweinprôt. daz kraut ist haiz und trucken und sein wurzel ist guot zuo erznei. die wurzel schol man spalten in vier stück, sô der herbst schier ain ende nimt, und schol si mit dem kraut aufhâhen an ain vinster stat oder dâ der sunnen schein klain sei. diu hât ain kraft, daz si entsleuzt und zuo ir zeuht und ist guot zuo den afternâdern, die ze latein emoroides haizent, wenn die zeplæt sint und doch niht vliezent.