Ἀνθολογία Παλατινή

15. Σύμμικτα

______________________________________________________________________________

Codex Parisinus Supplementi graeci 384, fol. 30r

26.

ΔΩΣΙΑΔΑ ΒΩΜΟΣ

Εἱμάρσενός με στήτας

πόσις, μέροψ δίσαβος,

τεῦξ᾽, οὐ σποδεύνας ἶνις Ἐμπούσας, μόρος

Τεύκροιο βούτα καὶ κυνὸς τεκνώματος,

Χρύσας δ᾽ ἀίτας, ἆμος ἑψάνδρα

τὸν γυιόχαλκον οὖρον ἔρραισεν,

ὃν ἁπάτωρ δίσευνος

μόγησε ματρόριπτος·

ἐμὸν δὲ τεῦγμ᾽ ἀθρήσας

Θεοκρίτοιο κτάντας

τριεσπέροιο καύστας

θώυξεν αἴν᾽ ἰύξας·

χάλεψε γάρ νιν ἰῶι

σύργαστρος ἐκδυγήρας·

τὸν δ᾽ αἰλινεῦντ᾽ ἐν ἀμφικλύστωι

Πανός τε ματρὸς εὐνέτας, φὼρ

δίζωιος, ἶνίς τ᾽ ἀνδροβρῶτος Ἰλιορραιστᾶν

ἦρ᾽ ἀρδίων ἐς Τευκρίδ᾽ ἄγαγον τριπόρθητον.