Physiologus latinus

Capitulum VIII

________________________________________________________________________

VIII.

De natura volatile quae dicitur yppopus

Bene scriptum est (Ex. 21, 17): «Qui maledixerit patrem aut matrem, morte moriatur». Et quomodo sunt patricidae aut matricidae!

Est avis quae dicitur latine yppopus. Huius filii si viderent parentes suos senescentes, et [ca]liginasse oculos eorum; evellunt pennas veteres parentum, et lingunt oculos eorum, et calefaciunt parentes suos et novi fiunt. Et dicunt parentibus suis: «Sicut laborastis nutrientes nos, similiter vobis facimus.»

Quomodo inrationabiles homines non amant parentes suos! Bene Physiologus arguit de yppopus.