De diversis artibus libri III

Liber primus

____________________________________________________________

Caput IV.

De rosa prima.

DEINDE misce cum simplici membrina modicum cenobrii et parum minii, et confice colorem, qui dicitur rosa, unde rubricabis maxillam utramque, os et mentum inferius, collum et rugas frontis modice, ipsam frontem super tempora ex utraque parte, nasum in longitudine et supernares ex utraque parte, articulos et caetera membra in nudo corpore.