Les contenances de table

Poème I

__________________________________________________

S'a table te veulz maintenir,

Honnestement te dois tenir

Et garder les enseignemens

4

Dont cilz vers sont commancemens.

Chacun doit estre coutumiers

De penser des povres premiers,

Car li saoul si ne scet mie

8

Com le jeun a dure vie.

A viande nulz main ne mette

Jusques la beneisson soit faitte.

Ne t'assiez pas, je te conseille,

12

Se bien ne sces que l'en le vueille.

Ne mangue mie, je te commande,

Avant que on serve de vïande,

Car il sembleroit que tu feusses

16

Trop glout, ou que trop fain eusses.

Du pain que mis as en ta bouche,

A ton escuelle point n'atouche.

Ongles polis et nais les dois

20

Ayes, ainsi tenir te dois

Qu'aux compaignons ne soit grevance,

Ne autres ne facent nuissance.

Vïande au sel de la salliere

24

N'atouche, c'est laide manière.

Tes narilles fourgier ne vueilles

De tes doies, ne tes oreilles.

De ton coustel tes dens ne feurges

28

Et, quant tu mengües, n'espeurges.

Ne crajche par dessus la tabje,

Car c'est chose desconvenable.

En ton escuelle ne doit estre

32

Ta cueillier fors quant te dois paistre.

S'on t'a osté ton escuelle,

Garde toy bien, ne la rappelle.

De... te garde et met paine.

36

Car c'est chose trop villaine.

Quant tu mengües bien te guette,

Sur table ton coûte ne mette.

Vuiddier et essever mémoire

40

Aies ta bouche, quant veulz boire,

Car descort naistre en pourroit

Dont la compaignie s'en deuldroit.

Garde toy bien, en toutes guises,

44

Viandes au mengîer ne desprises.

Et quant tu te siés au mengier,

Garde toy bien de laidengier,

Ains fais grande chiere et grain joye,

48

Ne ne parle par quoy l'en ioye.

Quant au mengier mains parleras,

Plus paisiblement t'en yras.

Cellui qui courtoisie a chier,

52

Ne doit pas ou bacin crachier,

Lors que sa bouche ou ses mains leve,

Ains mette hors qu'aucun ne grève.

La table ostée, mains lavez,

56

Puis buvez bon vin, se l'avez.

A Dieu soit gloire, a Dieu soit grâce,

Qui de noz cuers pechiez defface,

Et anime fidelium

60

Requiescant in gaudium.