Buch der Natur

V. VON DEN KRÄUTERN

IN AINER GEMAIN.

___________________________________________________

19.

Von dem schellkraut.

Celidonia haizt schellkraut. daz ist haiz und trucken, sam Platearius spricht. daz kraut rainigt daz haupt und scherpfet daz gesiht. Isidorus spricht, daz daz kraut der swalben kraut sei; wan ist, daz dû den jungen swalben mit ainer nâdeln in diu augen stichst, sô pringt ir muoter zehant die pluomen von dem kraut und habt die an der kindel augen, sô kümt in daz gesiht wider. des krauts saf ist den augen gar guot, wan ez benimt die plâtern in den augen und die scherpfen und diu weizen mail.