Buch der Natur

V. VON DEN KRÄUTERN

IN AINER GEMAIN.

___________________________________________________

51.

Von dem marobel.

Marrubium haizt marobel oder sigminz und haizt auch ze latein prassium, daz kraut hât raucheu pleter runzloteu nâhen sam die nezzel, die niht prennent, und ist zwaierlai: daz ain weiz, daz ander swarz. daz weiz ist gevar sam ob sein pleter gesprengt sein mit melb, aber daz swarz ist praun und hât der sprinkel niht. daz kraut ist haiz und trucken an der kraft, sam Platearius spricht, und clært die stimm und rainigt die prust und ist guot für daz plæen an den afternâdern, die emoroides haizent, wenn man ez berait nâch arztei lêr.