Buch der Natur

V. VON DEN KRÄUTERN

IN AINER GEMAIN.

___________________________________________________

5.

Von dem knoblauch.

Allium haizt knoblauch. der ist haiz und trucken mit seiner kraft und ist guot wider die kalten vergift. dar umb spricht man: knoblauch ist der gepaurn triakers. er schat auch dem gesiht und ganz dem leib, wenn man sein ze vil nimt. wer knoblauch rœstet und pindet in auf die âdern pei der faust, daz benimt den zenden iren smerzen. gesoten knoblauch sterkt die prust und die stimm und entsleuzt den leip und sterkt daz ezzenkochen in dem magen und verzert pœs trank und pœs fäuht in dem magen. aber rôch knoblauch tuot in dem haupt wê.