Buch der Natur

V. VON DEN KRÄUTERN

IN AINER GEMAIN.

___________________________________________________

46.

Von der lactuken.

Lactuca haizt lactukenkraut. daz ist daz aller ebenmæzigst kraut an seiner art, daz under allen kräutern ist, und macht guot pluot. sein sâm ist guot dar zuo, daz er slâf pringt und ist guot zuo den hitzigen apostemen an dem anvang. ain iegleich wisel und ain iegleich træger vogel, der von der slangen gehekt wirt, ezzent si der veltlactuken, si werdent sicher vor der vergift.